Monday, August 17, 2015

Water Festival

The Water Festival, a spectacle to behold, is probably the most exorbitant festival held each year in November. It is usually celebrated for three days, i.e. the 14th and 15th of the waxing moon and the 1st of the waning moon of the month of Kadek. The 15th of the waxing moon is the last full moon day.

Pchum Ben Day or All Soul Day

Running for 15 days, usually from the end of September into October, this festival is dedicated to blessing the spirits of the dead and is one of the most culturally significant in Cambodia. The exact date defers year to year as determined by the lunar calendar. Each household visits their temple of choice and offers food to the monks.

Royal Ploughing Ceremony

The Royal Ploughing Ceremony, or 'Bon Chroat Preah Nongkoal' in the Khmer language, is solemnly celebrated at the beginning of the sowing and planting season. Every year in May, this cultural ceremony takes place at the park in front of the National Museum (next to the Royal Palace). Cambodia has deep connection with earth and farming. There is a

Khmer New Year

The Khmer New Year, or 'Bon Chol Chhnam Thmei' in the Khmer language, is commonly celebrated on 13th April each year although sometimes the holiday may fall on the 14th April in keeping with the Cambodian lunar calendar. This marks the end of the harvest season when farmers enjoy the fruits of their labor and relax before the start of the rainy season. The New Year holidays last for three days

ក្រសួងទេសចរណ៍ បញ្ចុះថ្នាក់អាជ្ញាប័ណ្ណសណ្ឋាគារចំនួន២ ក្រោយកើតឧបទ្ទវហេតុលង់ទឹកស្លាប់

អនុលោមតាមមាត្រា៤៤នៃច្បាប់ស្ដីពីទេសចរណ៍ ក្រសួងទេសចរណ៍សម្រេចបញ្ចុះថ្នាក់អាជ្ញាប័ណ្ណទេសចរណ៍ សណ្ឋាគារ រ៉ក់ រ៉ូយ៉ាល់ និងសណ្ឋាគារ ហ្គោល Hotel មកជាអាជ្ញាប័ណ្ណបណ្ដោះអាសន្ន ដែលមានសុពលភាព៩០ថ្ងៃ។ នេះគឺជាសេចក្ដីសម្រេចរបស់ក្រសួងទេសចរណ៍ នៅក្នុងលិខិតចំនួនពីរ ផ្ញើជូនទៅម្ចាស់អាជ្ញាប័ណ្ណសណ្ឋាគារទាំងពីរខាងដើម។ សេចក្ដីសម្រេចរបស់ក្រសួងទេសចរណ៍ដូច្នេះ ធ្វើឡើងបន្ទាប់ពីមានឧបទ្ទវហេតុលង់ទឹកស្លាប់ជាបន្តបន្ទាប់ នៅក្នុងអាងហែលទឹករបស់សណ្ឋាគាររ៉ក់ រ៉ូយ៉ាល់ និងសណ្ឋាគារ ហ្គោល Hotel កាលពីពាក់កណ្ដាលខែមេសានេះ។

ដំណឹងនៃការផ្លាស់ប្តូរទីតាំងថ្មីនៃសាកលវិទ្យាល័យភូមិន្ទវិចិត្រសិល្បៈ បានលេចលឺជាច្រើនឆ្នាំមកហើយ ក៍ប៉ុន្តែវាមិនទាន់ជាផ្លូវការនៅឡើយ។ ហើយទើបតែពេលនេះ ច្បាស់ហើយថា ទីតាំងថ្មីនៃសាកលវិទ្យាល័យភូមិន្ទវិចិត្រសិល្បៈ អតីតសាលារចនាដែលមានអាយុកាលជាង១០០ឆ្នាំនេះ នឹងត្រូវប្តូរទៅទីតាំងថ្មី ស្ថិតនៅតំបន់អភិវឌ្ឍន៍ជ្រោយចង្វារត្រើយខាងកើត ក្រោយពីអភិបាលក្រុងភ្នំពេញបានប្រកាសផ្តល់ដីប្រមាណជា២ទៅ៣ហិចតាសម្រាប់ការសាងសង់នេះ។ នេះបើតាមការបញ្ជាក់ពីលោក ថៃ នរៈសត្យា អ្នកនាំពាក្យក្រសួងវប្បធម៌និងវិចិត្រសិល្បៈនៅថ្ងៃទី២៨ឧសភានេះ។ ការផ្លាស់ប្តូរទីតាំងថ្មីរបស់សាកលវិទ្យាល័យភូមិន្ទវិចិត្រសិល្បៈនេះ ម្យ៉ាងគឺដើម្បីបានទីតាំងថ្មីដែលធំទូលាយជាមុន និងម្យ៉ាងទៀត គឺដើម្បីផ្តល់ទីតាំងចាស់របស់សាលកវិទ្យាល័យនេះ ទៅឱ្យសារមន្ទីជាតិ ដែលកំពុងត្រូវការពង្រីកបន្ថែម។

នារយៈពេលមុននេះ មូលនិធិរូបិយវត្ថុអន្តរជាតិបានព្យាករណ៍ទុកថា កំណើនសេដ្ឋកិច្ចពិភពលោក នៅឆ្នាំ២០១៥ និងមានចំនួន ៣,៥ %។ ប៉ុន្តែនៅថ្ងៃព្រហស្បតិ៍ទី ៩កក្កដានេះ ស្ថាប័នហិរញ្ញវត្ថុអន្តរជាតិនេះ បានកាត់បន្ថយការសង្ឃឹមចំនួន ០,២% ពោលគឺកំណើនសេដ្ឋកិច្ចនឹងមានចំនួនប្រមាណជា ៣,៣% ប៉ុណ្ណោះ។

បន្ទាប់ពីសារព័ត៌មានមួយចំនួន បានចុះផ្សាយថា មានវត្តមានអង្ករប្លាស្ទិក នៅក្នុងទីផ្សារកម្ពុជា ដែលបានធ្វើឲ្យប្រជាជនមានការភ័យបារម្ភពីបញ្ហាសុខភាព នោះ សហព័ន្ធស្រូវអង្ករកម្ពុជា បានធ្វើការទាក់ទងជាបន្ទាន់ ទៅខាងអាជីវករនោះ ដើម្បីយកប្រភេទអង្ករ នោះមកធ្វើការត្រួតពិនិត្យ។ នេះបើតាមការឲ្យដឹងពី លោក ហ៊ិម ខទៀត មន្ត្រីទំនាក់ទំនង នៃសហព័ន្ធស្រូវអង្ករកម្ពុជា។

ផ្លូវ១៧៨

ផ្លូវ១៧៨ - រាជធានីភ្នំពេញ

ផ្លូវ១៧៨ត្រូវបានគេស្គាល់ជាយូរមកហើយថាជា"ផ្លូវសិល្បៈ" សម្រាប់ហាងចម្លាក់ និងវិចិត្រសាល ដែលជាផ្លូវស្ថិតនៅក្បែរសារមន្ទីរជាតិនិងសាកលវិទ្យាល័យវិចិត្រសិល្បៈ។ ជាងចម្លាក់ធ្វើការជាប់នឹងចិញ្ចើមផ្លូវក្បែរវត្តសារាវ័ន្ត និងវិចិត្រសាលនៅក្បែរសារមន្ទីរ ភាគច្រើន ពួកគេផ្តោតលើរបរអាជីវកម្ម និងសិល្បៈខ្មែរដ៏មានប្រជាប្រិយភាព។ ក៏ប៉ុន្តែនៅមានវិចិត្រសាលសិល្បៈជាច្រើន ហាងសិប្បកម្មនិងហាងហូលផាមួង ព្រមទាំងភោជនីយដ្ឋាននិងបារមួយចំនួនទៀត ជាពិសេសនៅជាប់នឹងមាត់ទន្លេ។ វិចិត្រសាល រៃយំ ដែលទទួលបានពានរង្វាន់គួរឲ្យចាប់អារម្មណ៍ជាទីបំផុត ដោយបានតាំងពិព័រណ៍បង្ហាញស្នាដៃសិល្បៈប្រពៃណីនិងសិល្បៈសហសម័យ ដោយវិចិត្រករដ៏ចំណានៗ។ ឆ្ពោះទៅកាន់ទន្លេ នៅចុងផ្លូវ១៧៨ មានភោជនីយដ្ឋាននិងបារមួយចំនួនដូចជា FCC ដ៏ល្បីល្បាញផងដែរ។ អ្នកអាចស្វែងរកហាងលក់គ្រឿងបា្រក់នៅម្តុំផ្លូវ១៧៨ លើកំណាត់ផ្លូវស៊ីសុវត្ថិក៏បាន៕

សង្កាត់បឹងកេងកង១

សង្កាត់បឹងកេងកង១ - រាជធានីភ្នំពេញ

សង្កាត់បឹងកេងកង១ ដែលជាប់រុក្ខវិថីសីហនុ មហាវិថីព្រះនរោត្តម មហាវិថីម៉ៅសេទុង និងមហាវិថីព្រះមុនីវង្ស ត្រូវបានស្គាល់ថាជាសង្កាត់ជនបរទេសប្រចាំទីក្រុង ចាប់តាំងពីទសវត្សរ៍ទី៨០មកម៉្លេះ។ សង្កាត់នេះសម្បូណ៌ទៅដោយអង្គការក្រៅរដ្ឋាភិបាល ស្ថានទូត និងអង្គការអន្តរជាតិ ព្រមទាំងលំនៅឋានជនបរទេស និងសណ្ឋាគារសម្រាប់អ្នកទេសចរដែលមកស្នាក់នៅរយៈពេលវែង។ សង្កាត់បឹងកេងកង១ទាំងមូល ប្រមូលផ្តុំមីរដេរដាសទៅដោយក្រុមហ៊ុនបរទេស សណ្ឋាគារ ភោជនីយដ្ឋាន បារ ហាងហូលផាមួង ហាងម៉ាស្សានិងស្ប៉ា ភ្នាក់ងារទេសចរណ៍ និងក្រុមហ៊ុនទិញលក់អចលនទ្រព្យ ដោយផ្តោតជាសំខាន់ទៅលើក្រុមហ៊ុននៅចុងខាងជើងផ្លូវ២៧៨/២៨២ ជាពិសេសរវាងផ្លូវ៥១និង៦៣។ ផ្លូវ២៧៨ជាផ្លូវដែលមានភោជនីយដ្ឋាន បារ ហាងលក់ទំនិញ និងសណ្ឋាគារតូចៗ ដែលមានបុគ្គលិកអង្គការក្រៅរដ្ឋាភិបាល និងអង្គការអន្តរជាតិ ព្រមទាំងអ្នកទេសចរ និងជនបរទេសចេញចូលឥតស្រាកស្រាន្ត។ ផ្លូវ២៧៨វិញ ជាផ្លូវសម្រាប់ដើរកម្សាន្ត ប៉ុន្តែវាមានលក្ខណៈពិសេសក្នុងការបម្រើជូននូវអាហារថ្ងៃត្រង់ និងអាហារល្ងាច ហើយនៅពេលរសៀលវិញ បារនិងហាងផ្សេងៗទៀតមានសភាពរស់រវើក៕

ផ្លូវ២៤០

ផ្លូវ២៤០ - រាជធានីភ្នំពេញ

ផ្លូវ២៤០ ជាផ្លូវស្ថិតនៅក្បែរព្រះបរមរាជវាំង ដែលមានហាងលក់សម្លៀកបំពាក់ ទ្រនាប់ជើង និងគ្រឿងអលង្ការ និងហាងលក់វត្ថុអនុស្សាវរីយ៍ ដោយផ្តល់ជូននូវម៉ូដដ៏ពេញនិយមដែលផលិតចេញពីសរសៃសូត្រកម្ពុជា សិល្បៈអាស៊ីអគ្នេយ៍ សិប្បកម្ម វត្ថុមានតម្លៃ និងគ្រឿងសង្ហារឹម ព្រមទាំងមានភោជនីយដ្ឋាន និងបារ តៀមស្រា បណ្ណាគារ និងទីភ្នាក់ងារទេសចរណ៍ មានហូរហែរនៅតាមផ្លូវនេះ។ ក្រោយពេលទស្សនាព្រះបរមរាជវាំងរួចហើយ អ្នកអាចដើរមើលនៅម្តុំផ្លូវកែង២៤០។ ហាងភាគច្រើនស្ថិតនៅជាប់ៗគ្នា នៅចន្លោះផ្លូវ១៩និងវិថីនរោត្តម។ នៅផ្លូវកែង២៤០ ក្បែរព្រះបរមរាជវាំង អគារទីស្តីការគណៈរដ្ឋមន្ត្រីស្ថិតនៅយ៉ាងត្រដែតត្រដឹមជាងគេ ជាពិសេសស្រមោលចាំងចំដំបូលដ៏ក្រហមច្រាលដូចមាសនាពេលរសៀល នៅពេលព្រះសុរិយាហៀបអស្តង្គត។ មុនពេលធ្វើដំណើរទៅកាន់ផ្លូវ២៤០ អ្នកអាចចោលភ្នែកកាត់តាមសួនច្បារ ហើយឃើញវត្តបុទុម ដែលមានចេតីយ៍រូបព្រះពុទ្ធពណ៌ស។ នៅពេលដែលអ្នកធ្វើដំណើរតាមផ្លូវ២៤០ពីព្រះបរមរាជវាំង អ្នកអាចឃើញភូមិគ្រឹះបន្សល់ទុកតាំងពីសម័យអាណានិគម នៅខាងត្បូងផ្លូវ៕

វត្តឧណ្ណាលោម

វត្តឧណ្ណាលោម - រាជធានីភ្នំពេញ

ដើមកំណើតនៃវត្តឧណ្ណាលោមអាចត្រូវបានរកឃើញនៅចុងសតវត្សរ៍ទី១៥។ វត្តនេះត្រូវបានកសាងឡើងនៅឆ្នាំ១៤២២ ដោយព្រះបាទពញាយ៉ាត ដែលព្រះអង្គជាព្រះមហាក្សត្រ នៃអាណាចក្រខ្មែរ។ ឧណ្ណាលោមគឺជាអារាមមួយក្នុងចំណោមអារាមដ៏ចំណាស់ទាំងបាំ្រនៅភ្នំពេញ ដែលព្រះបាទពញាយ៉ាតបានកសាង។

វត្តឧណ្ណាលោមត្រូវបានគេស្គាល់ថាជាបេះដូងព្រះពុទ្ធសាសនានៅកម្ពុជា។ សម្តេចព្រះសង្ឃរាជ ដែលជាមេដឹកនាំសង្ឃធំជាងគេបំផុតនៅកម្ពុជា គង់នៅទីនេះ។ បរិវេណវត្ត ដែលមានកុដិទាំងអស់ចំនួន៤០ មានចម្ងាយប្រហែលជា២៥០ម៉ែត្រ ខាងជើងព្រះបរមរាជវាំង ស្ថិតនៅតាមបណ្តោយវិថីស៊ីសុវត្ថិ នៅក្បែរមាត់ទន្លេ។ វត្តនេះជាអាវាសរបស់ព្រះភិក្ខុសង្ឃជាង៥០០អង្គ និងជាបណ្ណាល័យដែលមានព្រះគម្ពីរជាង៣០០០០ក្បាល។ នៅក្នុងរបបខ្មែរក្រហម កុដិរួមជាមួយនិងពុទ្ធបដិមារជាច្រើនត្រូវបានបំផ្លាញចោល ក៏ប៉ុន្តែនៅមានកុដិភាគច្រើនត្រូវបានរក្សាទុករហូតមកទល់នឹងសព្វថ្ងៃនេះផងដែរ។ នៅមានអគារទាំងឡាយទៀតទុកសម្រាប់បម្រើឲ្យផលប្រយោជន៍ជាច្រើនទៀតដូចជា បា្រសាទ សាលារៀន កុដិ និងចេតីយ៍ដែលជាឈ្មោះវត្តឧណ្ណាលោមផ្ទាល់ មានន័យថា រោមចិញ្ចើមព្រះពុទ្ធ៕

រូបភាព

Ounalom Monastery

ស្តូបអនុស្សាវរីយ៍ជើងឯក (វាលពិឃាដ)

ស្តូបអនុស្សាវរីយ៍ជើងឯក (វាលពិឃាដ) - រាជធានីភ្នំពេញ

ដោយស្ថិតនៅចម្ងាយប្រហែលជា១៧គីឡូម៉ែត្រភាគខាងត្បូងរាជធានីភ្នំពេញ វាលពីឃាដ បឹងជើងឯកគឺជាចម្ការនិងជាកន្លែងបញ្ចុះសពចិន។ ទីនោះធ្លាប់ជាកន្លែង ដែលពួកខ្មែរក្រហមយកអ្នកទោសរាប់ពាន់នាក់ទៅប្រហារជីវិតរវាងឆ្នាំ១៩៧៥ និងឆ្នាំ១៩៧៩។ បច្ចុប្បន្ន ទីនោះត្រូវបានគេស្គាល់ថាជា វាលពិឃាដ។ រណ្តៅធំៗដែលមានសាកសពរាប់ពាន់ ត្រូវបានគេប្រទះឃើញនៅឯបឹងជើងឯក ក្រោយពីរបបខ្មែរក្រហមបានដួលរលំ។ អ្នកស្លាប់ភាគច្រើន ជាអតីតអ្នកទោសគុកទួលស្លែង។

សព្វថ្ងៃនេះ នៅបឹងជើងឯកគឺជាស្តូបអនុស្សាវរីយ៍ ដែលត្រូវបានគេស្គាល់ដោយចេតីយ៍ព្រះពុទ្ធសាសានាមួយនៅទីនោះ។ ចេតីយ៍នោះ មានដាក់តម្កល់ឆ្អឹងលលាដ៍ក្បាលមនុស្ស ដែលហ៊ុំព័ទ្ធជុំវិញដោយកញ្ចក់បិទជិត ហើយឆ្អឹងលលាដ៍ក្បាលភាគច្រើនមានសភាពប្រេះស្រាំ។ គេជឿថា ទាហានខ្មែរក្រហមបានសម្លាប់ជនរងគ្រោះដោយវាយបំបែកក្បាល ដើម្បីសន្សំគ្រាប់កាំភ្លើង៕

រូបភាព

Choeung Ek Memorial

សារមន្ទីរប្រល័យពូជសាសន៍ទួលស្លែង (ស-២១)

សារមន្ទីរប្រល័យពូជសាសន៍ទួលស្លែង (ស-២១) - រាជធានីភ្នំពេញ

(ស្ថិតនៅលើផ្លូវកែង ១១៣ និង ៣៥០ តម្លៃទស្សនា ២ដុល្លារ បើកជារៀងរាល់ថ្ងៃ រួមទាំងថ្ងៃឈប់សម្រាក ចាប់បើកពីម៉ោង ៨ ព្រឹក-៥ ល្ងាច ដោយបិទនៅពេលបាយថ្ងៃត្រង់) មុនឆ្នាំ១៩៧៥ ទួលស្លែងគឺជាវិទ្យាល័យមួយ។ នៅពេលដែលពួកខ្មែរក្រហមឡើងកាន់អំណាច វិទ្យាល័យនេះត្រូវបានប្រែក្លាយទៅជាមន្ទីរឃុំឃាំងស-២១ និងជាកន្លែងសួរចម្លើយអ្នកទោស។ អ្នកទោសត្រូវបានធ្វើទារុណកម្មជាលក្ខណៈប្រព័ន្ធ ដើម្បីឲ្យសារភាពត្រង់ ហើយក្រោយមកពួកគេត្រូវបានសម្លាប់នៅវាលពិឃាដ ជើងឯក។ មន្ទីរ ស-២១ មានអ្នកទោសជាង១៧ ០០០ នាក់ ហើយមានមនុស្សតិចណាស់ដែលរួចពីស្លាប់។ បច្ចុប្បន្ន គុកនេះត្រូវបានយកធ្វើជាសារមន្ទីរ ស្តូប និងជាភស្តុតាង នៃរបបខ្មែរក្រហម៕

រូបភាព

Toul Sleng Genocide Museum (S-21)

Toul Sleng Genocide Museum (S-21) Inside

ដំណើរកម្សាន្តតាមដងទន្លេ

ដំណើរកម្សាន្តតាមដងទន្លេ - រាជធានីភ្នំពេញ

ទន្លេមេគង្គដ៏មហិមាជាសរសៃឈាម ដែលហូរកាត់ចំកណ្តាលបេះដូងនៃតំបន់អាស៊ីអគ្នេយ៍។ ដោយមានប្រភពពីខ្ពង់រាបទីបេត៍ប្រទេសចិន ទន្លេនេះបានហូរកាត់ប្រទេសចិន មីយ៉ាន់ម៉ា ថៃ ឡាវ កម្ពុជា និងវៀតណាម មុនពេលហូរចាក់ទៅសមុទ្រចិនខាងត្បូងវិញ។ នៅពេលទន្លេនេះហូរកាត់កម្ពុជា វាបានហូរចាក់បំពេញទៅបឹងទន្លេសាបរបស់កម្ពុជា ដែលជាបឹងដ៏ធំបំផុតនៅអាស៊ីអគ្នេយ៍។

មាត់ទន្លេ - រាជធានីភ្នំពេញ

មាត់ទន្លេជាកន្លែងដែលគួរឲ្យចាប់អារម្មណ៍មួយនៅក្នុងទីក្រុងរួមមាន ព្រះបរមរាជវាំង រង្គសាលជាច្រើន វិចិត្រសាល តៀម ភោជនីយដ្ឋាន និងហាងដែលស្ថិតនៅតាមបណ្តោយម្ខាងនៃផ្លូវស៊ីសុវត្ថិ ដែលអាចមើលទៅឃើញទន្លេចតុមុខ ទន្លេសាប ទន្លេមេគង្គ និងទន្លេបាសាក់។

មាត់ទន្លេដែលដូចឧទ្យាន ជាកន្លែងដ៏អស្ចារ្យមួយដែលអាចទាក់ទាញអ្នកក្រុងភ្នំពេញ អ្នកមកពីបណ្តាខេត្តនានា និងអ្នកទេសចរបរទេសឲ្យមកស្រូបយកខ្យល់អាកាសដ៏បរិសុទ្ធ។ ជាងនេះទៅទៀត អ្នកក៏អាចដើរលេងកម្សាន្តតាមបណ្តោយមាត់ទន្លេនាពេលរសៀលដ៏សែនមនោរម្យ។ នៅពេលព្រះអាទិត្យរះ អ្នកអាចគយគន់ព្រះអាទិត្យពីលើដងទន្លេពីមុខព្រះបរមរាជវាំងបានទៀតផង៕

រូបភាព

The Riverfront View

ផ្សាររាត្រី

ផ្សាររាត្រី - រាជធានីភ្នំពេញ

គ្មានហាងណាមួយបើកលក់ដែលគួរឲ្យទាក់ទាញនារាត្រីដ៏ត្រកាលនោះឡើយ គឺមានតែផ្សាររាត្រីនៅភ្នំពេញតែមួយគត់ដែលបានបើកលក់ និងជាកន្លែងទេសចរណ៍ដ៏សែនមនោរម្យមួយ។

ផ្សាររាត្រីនៅទីក្រុងភ្នំពេញស្ថិតនៅខាងមុខផ្សារចាស់នៅក្បែរមាត់ទន្លេ និងជារឿយៗមានភ្ញៀវទេសចរជាច្រើនទៅទីនោះដើម្បីទិញឥវ៉ាន់ផ្សេងៗ។ បច្ចុប្បន្នមានស្តង់ជាង១៥០ បើកលក់ទំនិញផ្សេងៗចាប់ពីសម្លៀកបំពាក់ គ្រឿងតុបតែងកាយ រហូតដល់គ្រឿងសង្ហារឹមនិងវត្ថុអនុស្សាវរីយ៍ជាដើម។ ការបង្កើតឲ្យមានផ្សាររាត្រីនៅទីក្រុងភ្នំពេញ ជាការផ្តល់ជូនដល់ភ្ញៀវទេសចរក្នុងស្រុកនិងក្រៅស្រុកនូវកន្លែងសម្រាប់ទិញវត្ថុអនុស្សាវរីយ៍ត្រឡប់ទៅផ្ទះវិញ៕

រូបភាព

Night Market Gate

Night Market

ផ្សារទួលទំពូង

ផ្សារទួលទំពូង (ផ្សាររុស្ស៊ី) - រាជធានីភ្នំពេញ

ផ្សារទួលទំពូងត្រូវបានគេស្គាល់ថាផ្សាររុស្ស៊ី ពីព្រោះផ្សារនេះមានប្រជាប្រិយភាពក្នុងចំណោមជនជាតិរុស្សីកំឡុងទសវត្សរ៍ឆ្នាំ១៩៨០។ ផ្សារនេះមានលក់ទៅដោយវត្ថុបុរាណពិតៗជាច្រើន។

ទោះបីផ្សារនេះមិនសូវទាក់ភ្នែកដូចផ្សារធំថ្មីក៏ដោយ ក៏វាមានលក់វត្ថុអនុស្សាវរីយ៍ជាច្រើនមុខ ដែលគួរឲ្យចាប់អារម្មណ៍ និងរបស់របរដែលធ្វើពីសូត្រជាដើម។ ទីនេះជាកន្លែងដ៏ល្អបំផុតដើម្បីស្វែងរករបស់របរសិប្បកម្ម៕

រូបភាព

Phsar Toul Tom Poung

Phnom Penh | Phsar Toul Tom Poung

ផ្សារធំថ្មី

ផ្សារធំថ្មី - រាជធានីភ្នំពេញ

ផ្សារធំថ្មីជាផ្សារមួយដែលត្រូវបានកសាងឡើងនៅឆ្នាំ១៩៣៧នៅឯទីលានចាក់សម្រាម។ ទីតាំងដែលផ្សារធំថ្មីស្ថិតនៅធ្លាប់ជាវាលភក់ល្បាប់ ហើយជោរជន់ទៅដោយទឹកបឹងតេជោ។ សព្វថ្ងៃនេះ ផ្សារដ៏ធំមួយនេះបានក្លាយជាកន្លែងដែលគេស្គាល់គ្រប់គ្នានៅទីក្រុងភ្នំពេញ។

វិមានឯករាជ្យ - រាជធានីភ្នំពេញ

វិមានឯករាជ្យកសាងឡើងនៅឆ្នាំ១៩៥៨ សម្រាប់ជាស្តូបគោរពវិញ្ញាណក្ខ័ន្ធក្រោយពេលសង្រ្គាមបានបញ្ចប់នៅកម្ពុជា និងដើម្បីបា្ររព្ធនូវសេរីភាពនិងឯករាជ្យរួចពីការគ្រប់គ្រងរបស់បរទេស វិមាននេះឈរយ៉ាងខ្ពស់ត្រដែតនៅផ្លូវខ្វែងនៃមហាវិថីនរោត្តមនិងរុក្ខវិថីសីហនុ នៅចំកណ្តាលបេះដូងនៃរាជធានី។ វិមានឯករាជ្យត្រូវបានគូរប្លង់ឡើងដោយស្ថាបត្យករខ្មែរ

Pages

Monday, August 17, 2015

Water Festival

Pchum Ben Day or All Soul Day

Royal Ploughing Ceremony

Khmer New Year

Tuesday, August 11, 2015

Thursday, August 6, 2015

ផ្លូវ១៧៨ - រាជធានីភ្នំពេញ

សង្កាត់បឹងកេងកង១ - រាជធានីភ្នំពេញ

ផ្លូវ២៤០ - រាជធានីភ្នំពេញ

វត្តឧណ្ណាលោម - រាជធានីភ្នំពេញ

រូបភាព

ស្តូបអនុស្សាវរីយ៍ជើងឯក (វាលពិឃាដ) - រាជធានីភ្នំពេញ

រូបភាព

សារមន្ទីរប្រល័យពូជសាសន៍ទួលស្លែង (ស-២១) - រាជធានីភ្នំពេញ

រូបភាព

ដំណើរកម្សាន្តតាមដងទន្លេ - រាជធានីភ្នំពេញ

មាត់ទន្លេ - រាជធានីភ្នំពេញ

រូបភាព

ផ្សាររាត្រី - រាជធានីភ្នំពេញ

រូបភាព

ផ្សារទួលទំពូង (ផ្សាររុស្ស៊ី) - រាជធានីភ្នំពេញ

រូបភាព

ផ្សារធំថ្មី - រាជធានីភ្នំពេញ

វិមានឯករាជ្យ - រាជធានីភ្នំពេញ