ព្រះវិហារព្រះកែវមរកត - រាជធានីភ្នំពេញ
វិហារព្រះកែវមរកតស្ថិតនៅខាងក្នុងព្រះបរមរាជវាំង ដែលមានទីតាំងនៅក្បែរដងទន្លេមេគង្គ។
ព្រះបរមរាជវាំងត្រូវបានកសាងឡើងនៅឆ្នាំ១៨៩២ ក្នុងរជ្ជកាលព្រះបាទនរោត្តម ប៉ុន្តែត្រូវបានកសាងឡើងវិញដោយព្រះបាទនរោត្តមសីហនុនៅឆ្នាំ១៩៦២។ ព្រះអង្គបានខិតខំកសាងព្រះវិហារនេះ ដោយស្នាដៃដ៏អស្ចារ្យនៃសិល្បះខ្មែរជាមួយនឹងវប្បធម៌ដ៏រុងរឿងពីសម័យបុរាណ។ មានកម្រាលដែលធ្វើពីបា្រក់ជាង៥៣០០សន្លឹក ហើយមួយសន្លឹកៗមានទម្ងន់
១.១២៥គីឡូក្រាម ត្រូវបានប្រើដើម្បីក្រាលធ្វើជាកម្រាលនៃវិហារព្រះកែវមរកត ដោយជនបរទេសហៅថា Silver Pagoda។ សន្លឹកបា្រក់ទាំងអស់មានទម្ងន់ជាង៦តោន។
ជណ្តើរឡើងទៅកាន់វិហារត្រូវបានធ្វើឡើងពីថ្មម៉ាប ហើយខាងក្នុងព្រះពុទ្ធបដិមារគង់នៅលើបល្ល័ង្ក។ ពុទ្ធបដិមារមរកតកសាងឡើងពីកែវចរណៃ Baccarat ដែលមានចាប់តាំងពីសតវត្សរ៍ទី១៧មកម្ល៉េះ។ ប្រអប់កែវតូចមួយនៅក្បែរនោះទុកសម្រាប់តម្កល់ពុទ្ធបដិមារដ៏ស័ក្តិសិទ្ធិ ត្រូវបាននាំចូលមកពីប្រទេសស្រីលង្កានៅឆ្នាំ១៩៥៦ ដោយព្រះតេជគុណ ឡូវ៉ា អែម ដែលគង់នៅវត្តលង្កា។ ប៉ុន្តែពុទ្ធបដិមារមួយអង្គទៀតទាក់ទាញភ្នែកអ្នកទេសចរណ៍ជាខ្លាំង។ ព្រះកាយដែលកសាងអំពីមាសរំលេចទៅដោយត្បូងចំនួន២០៨៦ ដែលគ្រាប់ត្បូងនីមួយៗមានទម្ងន់២៥ការ៉ាត់ ដែលគេអាចឃើញនៅលើម្កុដពុទ្ធបដិមារ។ ព្រះពុទ្ធបដិមារនោះគឺជាព្រះមេត្រីយ៍ ដែលនឹងត្រាស់ដឹងជាព្រះពុទ្ធនាអនាគតកាល។
មានរបស់ដាក់បង្ហាញនៅក្នុងព្រះវិហារនោះចំនួន១៦៥០ប្រភេទ។ របស់ទាំងនោះមានដូចជាម្កុដមាស សម្រាប់អ្នករបាំ ពុទ្ធបដិមារមាសតាន់ជាច្រើនអង្គ អំណោយដែលបានមកពីរាជវង្សានុវង្សនិងអ្នកមានបណ្តាស័ក្តិនៅជុំវិញពិភពលោក និងគ្រឿងអលង្ការ និងវត្ថុបុរាណដ៏មានតម្លៃជាច្រើនទៀត៕
Silver Pagoda
No comments:
Post a Comment